Corpus Van Reenen-Mulder (CRM14): Oorkonde I241p36301

Kenlic zij allen lieden dat broeder Jan cautaerde heeft ghecocht en_ ghecreghen wel en_ redelike Jeghen lieuin van fermelis en_ jonfrouwe kateline sinen wetteliken wiue . x . s_ . parisise heruelike rente siaers . bewijst en_ te heffene telken sente bamesse in elc iaer vp de herue gheleghen in de brabantstrate daer Jan van dendermonde vp woent . van welker herueliker renten metter heruen daer soe vp bewijst es . Ende vort deselue broeder Jan heeft ghecocht en_ ghecreghen wel ende redelike Jeghen lieuin van fermelis Ende Jonfrouwe kateline sinen wetteliken wiue vornoumt . vi . s_ . en_ x . d_ . parisise ten seluen termine vors_ vp thuus in de munte dat + men heet in de cra?e daer in dat wonende es jan ghiselins . die + men heet langhe~nose Ende lieuin van fermelis . en_ Jonfrouwe kateline vornoumt beede hute~ghinghen . en_ worpens met halme Ende si daden daer toe Met hande en_ met monde al dat si sculdich waren te doene na wet costume en_ husage van der poert van ghent om hemlieden daer af tontheruene en_ tontgoedene En_ den selue_ broeder Janne cautaerde daer in te heruene en_ te goedene alse in sijn proper eyghin ghecocht en_ ghecreghen goet Ende sij gheloofden hier af de wettelike waerscepe En_ broeder Jan vors_ beual + se hemlieden weder alse recht Ende dese voers_ coepe sijn ghedaen om eene somme van ghelde . daer af dat hem lieuin van fermelis en_ Jonfrouwe kateline sijn wettelike wijf bekenden wel betaelt en_ al ghemoet van broeder Janne vors_ / hier ouer stonden in kenlichede der wareden alse heruachteghe liede in ghent . Der lieuin van der biest . Ende Mattheeus van ghentbrugghe / Dit was ghedaen int iaer ons heeren als men screef . M˚ . + ccc˚ . + lxiij . vp den achtienden dach van sporcle