Lijst
Corpus Van Reenen-Mulder (CRM14): Oorkonde I241p36901
Gent, 1369
Kenlic sij Allen lieden Dat jan de mey de muelnerre en_ kateline sijn wijf hebben ghecocht ende ghecreghen wel en_ Redelike jheghen janne van den vliedere en_ jheghen mergrieten en_ Amele sblaren ghe~sustere de~welke ghe~sustere jan van den vliedere vervinc jn dese zake Een huus met allen den ghelaghen diere toe behoere_ van woeren totte achter met achtiene_ gro_ tor_ jaerlic der huute ghaende te land~cheinsse staende vp de eerue van sente jacops huuse Jheghen ser boudijn gheraeds ouer daer jn dat woende wout_ van ?ppricke Ende dit o_me eene seekere somme van ghelde vaen af dat hem de vornoumde persoene kenne_ wel betaelt en_ al ver~ghoelde_ Ende dit huus gheheel van achtter tot woere_ heeft jan vors_ gheloeft janne de mey en_ sijne_ wijfe vors_ te waerrenderenne na costume en_ vsaghe van der steede van ghend Hier ouer was gheroupe_ Jn oerschepe en_ j_ kennesse der waerreeden als lantheere van sente jacops huuse jn dien tijt der jacop de moudttenerre priest_ ende als eeruachtsijch man jn ghend joes boc dit was ghedaen jnt jaer ons heer_ als men screef M ccc en_ lxviiij den xxviiij dach van december