Corpus Van Reenen-Mulder (CRM14): Oorkonde I241p37001

Kenlic zij allen lieden dat broed_ symoen van den habeele meest_ van den boegaerden in ghent heeft ghecocht wel en_ redelike jeghen her mattheeuse van ghentbrugghe . jan coelins sone . en_ ionfr_ auezoeten beyaerts twee en_ twintich scellinghe parisise herueliker rente_ siaers vp een plecke van herue daer een huus vp staet staende in de wayers~strate . toe~behoerende clayse van wettere neffens tser pieters van zeelant an deen side . En_ dit om een seker somme van ghelde van der~welker somme dat hem . her mattheeus . ian coelins sone . en_ iofr_ auezoete bouen ghenoumt kennen wel vergolden en_ al betaelt . En_ hier toe daden sij al dat sij sculdich ware_ te doene met monde en_ met alme om hemlieden daer af tontheruene . en_ broeder symoen vors_ daer in te heruene als in sijn proper coep~goet altoes ter fermerien bouf van den boegaerden vors_ En_ hier af gheloofden sij broed_ symoene vors_ wettelic waerscip naer costume en_ husage van der poert van ghent . En_ broeder symoen vors_ gheloofde + se hemlieden weder alse recht / hier ou_ stonden in kenlichede der wareden alse heruachteghe lieden in ghent . ian sleepstaf . en_ philips van wiendroke . dit was ghedaen int iaer ons heeren als men screef . M˚ . + ccc˚ . + en_ tseuentich vp den zesse en_ twintichsten dach van september