Corpus Van Reenen-Mulder (CRM14): Oorkonde I241p37601

Kenlic zij allen lieden dat Gillis de hodeveere ende Aechte van reetbosch zijn wetteleke wijf hebben vercocht wel ende redeleke janne van den gauere ende alijsen svos zine wetteleken wiue een huus ende stede met alle den ghelaghe_ die den huse ende steden toe~behoren van vore_ tote achter ter scelden toe co_mende erdt~vast ende naghel~vast staende vp tsant bi sente lievins poorte an de west~zide van der strate_ pieter de vos wone_de jn deene zide ende jan pieters jn dan~der zide vp de erue toe~behorende sente Jacops huus ende eere capelrien van sente verhilden met xv s_ paris_ siaers daer vut gaende sente Jacops huse vorseit ende viue s_ achte pe_ne allinc der capelrien vorn_ te lantchei_se sonder meer co_mers : Ende dese coop es ghedaen om lijfrente te gillis liue ende te aechten zijns wijfs bouf vors_ . dats te wetene dat de vorseide Jan van den gauere ende alijse zijn wetteleke wijf vors_ of de ghene die dit vors_ huus ende stede namaels toe~come_ waert bi versterfte_ of bi cope zullen gheue_ alle Jare gillise ende zinen wiue vorseit viere ende twintich scelle groter tornoyse also langhe als zij beede leue_ zullen te tween termine_ binne_ elken Jare deene heelt telken sente Jans daghe jn midden~zomere . ende dander heelt telken kersauonde daer of deerste payeme_t valt sente jans daghe babtiste Jn midden~zom_e naest co_mende . Ende so wa_neer dee_ van hem beeden sterft so sterft alf de vors_ lijfre_te . Ende so wa_neer dat zij beede zijn come_ van liue ter doot so es tvors_ huus vrij ende ontsleghen van der vorseider lijfre_te_ ende Jan van den gauere ende alijsse zijn wijf zullen dit huus ende stede wel ende sofficanteleke houden te ghereke van dake ende van weeghen ende van al dies hem behouuen zal altoos meer beterende dan erghende ende dit met hare_ coste ende ghelden alle jare den lantcheins vort es ghelofte ende vorwaerde jn dese coopmanscepe dat Gillis de hodeueere ende aechte zijn wetteleke wijf zullen behouden jn dit vors_ huus ende stede haar~lieder leuen lanc zonder hare_ cost twee solres slot~vast tharen ayseme_te al zulke neeringe jn te doene als he_ ghelieue_ zal Ende een bedde staende beneden vp den vloer hare_ wille mede te doene Ende hebben haer~lieder gaen ende keere_ dor thuus ten lochtine vut ende behouden alf den lochtin them waert thare_ ayseme_te ende profite vort zullen zij behoude_ de kekene ende eene scaperade Ende den stal sal weese_ ghemeene Ende al dit zal wesen alse langhe als gillis ende aechte zijn wijf of de lancste leue_de van he_ beeden leue_ zullen ende niet langhere . Ende mids desen gheloften coop ende vorwaerden so ware_ Jan van den gauere ende alijse zijn wijf ten vorseiden huse ende steden ghedaen met den lantheere als te hare propere_ coopgoede met al daer toe te doene dat me_ sculdich was te doene na costume ende husage der steden van ghend / de~welke lijfre_te ghelofte ende vorwaerde_ jan ende alijse zijn wijf vors_ hebben bewijst ende verzek_t vp tvors_ huus ende stede ende vp al dat zi + re binne_ hebbe_ of hebbe_ zulle_ ende vort vp he_~lieden ende vp al haer goet Ende ware hier an eenich ghebrec dat hebben vort ghelooft te vuldoene als goede borghe_ ende elc ouer al Raesse ysac ende jan symoens elc vp tsine ende vp al tsine . hier ouer stonden jn orcontschepen als lantheere ende ontfangh_e jn + de name van sente jacops huus zegher van den velde ende als eruachtich man jn ghend Matheeus de vijlre . dit was ghedaen jnt jaer ons he_en M˚ CCC zesse en_ tseuentich vp den xvj~sten dach jn + de maend van decembre