Corpus Van Reenen-Mulder (CRM14): Oorkonde I241p39001

KEnlijc zij allen lieden . . Dat Joes bec co_men es in scepen_~camere voer scepen_ van + der ku_e ?n ghend kende en_ lijde dat hij sculdich es den goeden lieden van sente Jacops huus in ghend vp ? sgoeshuus bouf vijftiene ponde gro_ tor_ te effene en_ te hebbene also varinc als Joes vors_ gheuaren sal sijn van liue ter doet Ende wille en_ begheert datter siin hoyr en_ naerco_mers den godshuuse af Jnstaen sullen en_ ghenouch doen vp dat zij in ghedeele co_men oft in ghereeden ghelde ofte in ?sie van heruen of in andren goede twelke sijnen hoyre best ghelieuen sal e_mer de vors_ so_me vul betaelt te sijne En_ voe? so es Joes wul_e meeninghe en_ begherte waert so dat naer de doet van hem siin hoyr en_ naerco_m? niet ghenouch en daden den vors_ godshuse van + den vorscr_ vijftiene ponden gro_ ghelijc dat bouen ve? staet dat dan de goede liede van + den vors_ huus haerlieder handt slaen sullen an al dat goed dat (onleesbaar) hem bliuen sal so waer dat ghestaen of gheleghen es eist bi_nen ghend of der buten tote der tijt en_ de (onleesbaar) dat zij hebben sullen de vors_ vijftiene ponde gro_ costeloes en_ scadeloes ghelijc dat voren verclaert staet mids desen so hebben Jan van str?essels willem dotter Jacop braem de sceerere Jan ghijsels en_ lievin de (onleesbaar) beleeders van + den vors_ hospitale bij consente van + den andren gheconsenteert Joesse vors_ al sijn ander (onleesbaar) (onleesbaar) bekeerne daert hem ghelieft ende es ghevrijt Jeghen die van sente Jacops huus vors_ so waer (onleesbaar) (onleesbaar) af gheleghen mach sijn binnen ghend of der buten . voert so sal Joes vors_ hebben en_ behoude? (onleesbaar) (onleesbaar) woenste of de naeste diere vallen sal Jnt vors_ sente Jacops huus welc dat Joes kiesen sal en_ (onleesbaar) hebben ghelijc dat ziin tsaertre van + den huus wel Inhoudt en_ verclaert Ende dat bij der reden (onleesbaar) Joes vors_ ouerghegheuen heeft al siin recht van sijre stede die naest fransoyse den coepman en_ sine (onleesbaar) gheuallen was ter bede en_ neerensten versouke van + den beleeders van + den vors_ godshuuse en_ ten proffijt? (onleesbaar) huus . voert so sal Joes vors_ behouden en_ besitten de camere die hij heeft doen maken met sijnen (onleesbaar) toter tiit en_ der wijlen dat hij eene andre woenste heuet daer hij verbeidere af es alsoet vors_ es En_ als die woenste Joesse gheuallen es so sal de vors_ camere toebehoiren zoetine roggemans mids dat so af~ghespleten es van harer stede daer so woent en_ storue Joes vors_ eer sijne kuere gheuiele dat de vors_ camere soetine vorn_ in handen co_men sal hare te besittene ghelijc dat + se Joes vors_ beseten heeft Dit was ghedaen den . xxx . dach in Julio Jnt Jaer ons he_en . M . + ccc . + en_ neghentich . . Jnt Scependom h_ Jacops van + den pitte h_ roegeer euerwijns en_ harer ghe?