Corpus Van Reenen-Mulder (CRM14): Oorkonde I241p39701

Wij Jan may? lieuin van waes pieter van hessche wulfram wulframs Jacop braem Dekene ende prouiseres van sente Jacops huse in ghend kennen ende lyen . Dat wij hebben ontfaen van . fransoyse den coman . ende kateline_ sine_ wiue de so_me van twee ponde gro_ torn_ dwelke wij met meer goets hebben beleit an . een plecke van lande gheleghen te sente marien houden houe . Voert es te wetene dat men elcs tsiaers sal doen fransoys jaer~ghetide smaendaechs vor sente jacops ende sente kerstoffels dach . De priester die dit jaer~ghetide sal doen sal hebben twee . gro_ . Ende de prouengiers sullen hebben int ghemeene . tiene . gro_ teere pitanche . En_ dies sul + si sijn ter messen . Voert es te wetene dat kateline fransoys wedewe . wille ende begheert . Dat men haer jaer~ghetide doet . als soe sal co_men sijn van liue ter doot . En_ te diere messe alle de proue_giers sijnde . dies sul + sij hebben . tiene . gro_ int ghemeene om~dat sij sullen bidden ouer de siele van hem beeden vors_ . Ende o_me~dat wij dekene ende prouiseres willen ende begheren dat al dese zake vulcome_ werden . goet vast en_ wel ghehauden sijnde . So hebben wij in kennessen der waerheden des godshuus zeghele hier an ghehanghen Dit was ghedaen int Jaer ons he_en dusentich drie + hondert en_ seuen ende tneghentich up den . xijsten dach van laumaent