Corpus Van Reenen-Mulder (CRM14): Oorkonde I262p32801

Cont si allen den ghenen die dese lett_en selen sien Ochte horen lesen Dat vrancke dien me_ zeghet de mu_tere van (onleesbaar) heeft ghecocht en_ v_creghen jeghe_ janne die_ me_ zeghet de Coninc va_ sinte katheline_ Ende jeghe_ lauretten siin wetteghe wiif drie scellinghe Oude_ groete_ tornoyse van der (onleesbaar) (onleesbaar) van vranckerike goet en_ gherecht erflec en_ euwelec staende En_ te gheldene emmer (onleesbaar) sinte martens messe elcs jaers Ochte de kerssauonde daer na jerst Comende v_gouden (onleesbaar) (onleesbaar) (onleesbaar) meere sekerheit wille soe hebbe_ jan en_ laurette voerghenoe_t die voerseide drie scellinghe beset en_ bewijst op ene_ mersch die gheleghe_ es tusschen jans woeni_ghe voerseit en_ dat (onleesbaar) velt den~welke_ mersch dat me_ hout van de_ h_e van den lande van denremonde op tien penni_ghe parisise en_ op een hoen Ende op hare huesinghe en_ op hare houi_ghe daer sie in woene_ welke es gheleghe_ op te_ hoernec ane de nuwe st_te bi sinte katheline_ en_ welke dat me_ hout van dien van sinte katheline_ op viere scellinghe par_ en_ op twee Capoene . Ende op hare huesinghe en_ op hare houi_ghe den~welke me_ heet den twiuel welke oec es gheleghe_ in die selue nuwe st_te Ende welle men Oec hout van dien van sinte kathelinen op viere scellinghe par_ en_ op twee Capoene En_ dit es de Erflecke cheens die gaet vte dien voerseiden goede ja beset en_ bewijst ghelijc dat sie sculdch waren te doene na de weet en_ Costume van den lande van denremo_de . dat es te wetene dat jan en_ laurette voerseit hem hebbe_ onteruet en_ ghewt van al desen voerseiden goede Ende dat vrancke voerseit es gheeruet in (onleesbaar) (onleesbaar) (onleesbaar) en_ daer toe ghedaen bi der weet voert alle dese voerwaerde_ ende alle dese pointe siin gheschiet bi wetten en_ bi vonnesse van den lande van denremo_de dat es te wet? (onleesbaar) (onleesbaar) jnghebrechts die_ me_ zeghet van den a?we smeyers van opwijc di_e sculdech op was te maenne ja te di_e tijt dat hijs machtech was van ts_en weghe_ van den lande van denremo_de (onleesbaar) die_ van sinte kathelinen Ende bi wiisdoeme der schepene_ van opwijc di_e sculdech op waren te wiisenne En_ altoes behoudelec jeghewelcs rechte . waer + bi dat in desen dinghe_ beide voert en_ na . al es gheschiet dat in alsoe selken dinghe_ sculdech es te gheschiene na de (onleesbaar) ende na vonnesse van den lande van denremo_de en_ engheen point van rechte acht_ ghelaten voert heeft vrancke voerseit janne en_ lauretten voerghenoe_t bekint opvaert en_ afvaert ane alle dat voerseide goet alsoe langhe also sie drie scellinghe grote die voerghenoe_t siin ghelden waele en_ volcomelec te dien voerseiden daghe_ voert waert dat sake dat si jan en_ laurette voerseit niet en gouden die drie scellinghe grote voerseit emmer te dien voerseide_ daghe_ waele en_ volcomelec Ende dat vrancke voerseit ware in ghebreke van sine_ cheense voerseit soe mach hi vrancke voerseit Ochte siin (onleesbaar) (onleesbaar) sine hant ane alle dat voerseide goet alse ane sine_ beset pant houden dien onverzeghet van jeme_ne gheliic sine_ p_peren goede verg? en_ daelen (onleesbaar) (onleesbaar) (onleesbaar) en_ vredelec voert o_me~dat die voerseide schepenen en hebben en~ghene_ p_peren zeghel Ende o_me~dat dese lett_en vast en_ ghestade selen bliue_ euwelec durende en_ (onleesbaar) ghehouden soe hebben beide de p_tien voerseit ghebeden Jnghebrechte voerseit janne die_ me_ zeghet van der hofstat wout_en dien me_ zeghet moreel van der (onleesbaar) Ende adaeme kathelinen soene adaems regs wijf wile_ was manne ts_en van den lande van denremo_de dat sie hare p_pere zeghele wille_ hanghe_ ane dese lett_en in Orconscepe der waerheit . voert Omme dat versoec bede en_ Co_sent van beide de_ p_tien voerseit hebbe wij jnghebrecht jan wout_e En_ adaem voerghenoe_t alse manne ts_en van den lande van denremo_de onse p_per? zeghele ghehanghe_ ane dese lett_en jn Oerconscepe der waerheit . Dit was vte~ghegheuen en_ (onleesbaar) Jnt Jaer Ons heren doe men screef dusentech drie + hondert en_ achte en_ twintech des dondersdaghes nae (onleesbaar)