Corpus Van Reenen-Mulder (CRM14): Oorkonde I268p34201

Hen allen die dese lett_en zele_ zien ochte horen lesen wi scepene_ va_ pud_sse ghemeinlijch Saluut met ki_nessen der waerheit Wi doen cont met den iheghe_werdeghe_ letter_ dat pet_ va_ auesceyde heft ghecocht en_ ghecreghe_ met goede_ wettechgher vorwaerden jheghe_ wille_me den voeght sesse ende tui_tech oude grote coni_cs tornoyse va_ vra_kerike goedt en_ gherecht ochte daer nae de werdde altoes te ghildene jaerlijcs eenweruen e_mermeer ende erffelech telke_ k_ssauonde ende dese voer_seide sesse en tui_tech oude grot_ coni_cs tornoys_ heft de voer_ghenoemde wille_ besedt ende ? den voer_ghenoemden pet_e op dien selue_ cheins die sculdech es jaerlijcs erffelech gherardt rade va_ sinen houe ende va_ sijn huse (onleesbaar) zest + alf vijrendele_ daer toe wi_nens lands heet doude raechtuen en_ op een vijrdendeel lands daer toe op dmolen~velt gheleghe_ neue_ pet_s landt va_ den hodekene behoudelech dien dat die ghene die i_ den voerseiden cheins en_ op al tfoer~ghenoemde erue zelen hebben dat si daer af sculdech sijn te hebbene die daer te~voeren recht in hadden ende met dese uorwaerden es de vor_ghenoemde pet_ ghedaen met mani_ghen trechters die + r_ sculdech op was te mae_ne en_ met wijsdoe_me va_ ons Scepene_ va_ pud_sse voer_ghen____ die + r_ sculdech op waren te wisene alse te sine_ besetten pa_de op al dit voerghenoe_de erue voert~meer heft de voer_ghenoemde wille_ hier toe besetd en_ v_pandt een vijrdendeel lands op tfelt bi coelem neue_ wille_s tsraghters landt noch op een vijrdendeel lands daer toe neue_ geestens landt va_ der elst op e? ende op o_trent een half buenre i_ een bloexken acht_ pa_nemaers gheleghe_ ende ware dat sake dat men den voerghenoemde_ pet_e niet en goude noch gnoech en dade va_ den voerseide_ ghelde ghelijch dat hier voer_ ghenoe_t es soe mochte de voer_ pet_ ochte de bringh_e va_ deser letter_ al desen voer_genoe_den besetten pandt aneveerden en doen + re met sine bate en_ sine_ wille alse met sine_ besetten pande ghelijch dat vo_nesse en_ recht soude wisen en_ altoes behoudelech jeghewelcs rechte toetijr tijdt dat he_ ware gnoech ghedaen va_ sine_ ghebreke ende al dat hier toe ghedaen es en_ ghesciet dat es algader ghesciet met~ten vo_nesse ende met~ten rechte en_ negheen poent va_ rechte acht_ ghelaten jn ke_nissen der waerheit dat dit vast goedt en_ ghestade altoes zal bliue_ soe hebbe wi Scepene_ va_ pud_ss_ voer_ghenoe_t onsen ghemeine_ zeghel va_ onse_ Scependoe_me ghehanghe_ ane de iheghe_waerdeghe_ letter_ Die waren en_ ghegheue_ jn den jaer_ ons here_ doe me_ Screef . Dusentech . + Drie + hond_t vijrtech en_ tuee jn sente marcs daghe - - -