Corpus Van Reenen-Mulder (CRM14): Oorkonde I268p34501

Wi scepene_ van Puderse ghemeinleke maken cont en_ kenlech allen den ghene_ die dese lett_en selen sien en_ horen lesen / dat comen es vore ons in p_p__en p_sone woutre caloes kende en_ lide dat hi vercocht heeft witteleke / en_ redeleke . achte oude groete tornoyse tsaers van des Conincs mu_te van vrankerike / goet en_ gherecht / erfelech en_ emmermeer staende / alle jare telken kersauonde te gheue_ne / en_ te ghildene brueder Gielise van + den Putte portier ochte den ghenen die dese lett_en brachte / welken vorghenoemden tsijns wouter caloes vorghenoemt beset heeft en_ bewijst / ghelijc dat een vonnisse wijsde / op een half boenre winents lants / gheleghen op de neder~lichtert streckende mette_ enen ende toten venne dat wile_eer was wouters bernaerds / waer bi dat de vorghenoemde woutre hier + toe heeft ghedaen al dat hier sculdech toe was te doene / met manissen des rechters / die + re sculdech op was te maenne / en_ bi wijsdoeme van ons scepene_ vorghenoemt dier sculdech op waren te wisene / En_ ware dat sake dat den vorghenoemden brueder Gielise van + den Putthe portier / ochte den brenghere van deser lett_en iet ghebrake alse van dien vorghenoemden erfeleken tsijnse ten vorghenoemden daghe / soe souden si hare hant moghen slaen ane hare vorghenoemden bewijsden pant / en_ doen + re mede haren wille / ghelijc dat een vonnisse wisen soude / En_ om~dat wi scepene_ vorghenoemt ghemeinleke van Puederse hier ou_ en_ mede waren soe hebben wi dese lett_en bezehelt met onsen ghemeine_ zeghele Jn kennissen der waerheit / Dit was ghedae_ int jaer ons here_ doen men screeft . M . + CCC . + ende viue en_ veertech Jn sente Marcs daghe euwangeliste .