Corpus Van Reenen-Mulder (CRM14): Oorkonde I268p35701

Wij Scepene_ va_ + de_ rode onder onsen h_e den . . Abt van sente B_nards stede te Puderse doen te verstane en_ maken cont met desen jeghewaerdeghen l_ren dat vore ons qua_ in p_pren p_sone lijsbeth wilen boeds dochter was / lide en_ bekende dat si heeft vercocht o_me ene su_me van penninghen die hor wale en_ witteleec vergouden es h_en henrike van + den werue monch te sente b_nards enen antw_pschen scild metten vire lewen ochte ene_ brugschen scild goet van goude en_ van gherechten ghewichte ochte de werdde daer na in and_en goeden ghelde / altoes te ghildene ende te betaelne erflec en_ jmm_meer jaerleecs eenweruen op sente baue_ dach den Conue_te van sente b_naerds ochte den bringh_e van deser l_ren tsconuents behoef vorseit / Ende de voerghenoemde lijsbeth heeft veronderpandt en_ besedt den vorseiden scild tsconuents behoef van sente b_nards vors_ op hare husinghe en_ op hare houinghe En_ op dat erue dat si heeft en_ sculdech es te hebbene / welc gheleghen es tusschen tstraetken daer + men in vaert in de eggheloys~donch in dene side neuen peter cappen / en_ neuen der monke land van didelgheem in dand_e side / waere oec dat sake dat de voergh_ lijsbeth ochte hare nacomenlinghe den vors_ h_en henrike ochte den hebb_e deser l_ren tsconuents behoef vors_ van + den vorseiden scilde ten voergh_ daghe niet en goude noch ghenoech en dade ghelijc alse vorscreue_ es / soe mochte de voers_ her henrijc ochte de bringh_e deser l_ren tsconuents behoef vors_ aenuerden en_ sine hande slaen ane den vorseiden onderpand en_ doen + re mede sine bate en_ sinen wille alse met sinen p_p__en goede tote dier tijd dat hem ware ghenoech ghedaen van altemale sinen ghebreke ghelijc dat vonnisse en_ recht wisen soude / voert soe heeft de voergh_ lijsbeth met enen montbore die hoer ghegheue_ was met ene_ rechte h_en henrike voers_ tsconuents behoef van sente b_nards ten voerghenoemden erfleken onderpande ghedaen en_ daer in gheerft metten vonnisse en_ metten rechte / voert~meer es lijsbeth pe?ens der voerghenoemder lijsbetten moeder met ene_ montbore hare bileninghe_ af~ghegaen tsconuents behoef vors_ / ende beide den vorseiden lijsbetten es weder bekint en_ besedt haerre beid_e op~varen en_ haer af~vare_ ? en_ hebben alsoe langhe alse wale gilden / Ende al dat hier toe es ghesciet dat es ghedaen en_ ghesciet metten vonnisse en_ metten rechte en_ engheen poent van rechte achter~ghelaten datter sculdech was toe te ghesciene bi maninghen tsrechters dier sculdech op was te maenne en_ met wijsdoeme van ons Scepene_ dier sculdech op waren te wisene / Jn kennissen der waerheit dat dit vast en_ ghestade sal bliuen soe hebben wi scepene_ van + den roede voerghenoemt onsen ghemeyne_ zeghel van onsen scependoeme ghehanghen aen dese jeghenwaerdeghe l_re die ghemaect ware_ en_ gegeue_ Jnt Jaer ons h_en doen men screef . M . + CCC . + Vijftich en_ seuene Sdonredaegs na sente luucs dach des ewangelisten .