Corpus Van Reenen-Mulder (CRM14): Oorkonde I558r39901

Jan pieters sone Cam vor coerscepen_ in westcappelen en_ ghelouede willem wouters sone recht warent te wesene tot allen rechten van zeuen en_ tneghentich roeden lands ligghende in bigghenkerke prochie bin desen vieren ghemerken . Jan vors_ an die oostzide . willem vorn_ an die zuudzide . willem heynrix sone an die westzide en_ tsgrauen h_ewech an die noordzide . Dat willem vors_ ieghens Janne vorn_ ghecocht heuet . Ende Jan vors_ verliet hem dies dat willem vorn_ hem wel betaelt heuet beede den eersten penninc ende den lesten van desen vorscr_ lande . Hier ouer waren . Pieter ian woyten sone olaerd hughen sone . willem casselaer . Jan pieter tymmermans sone . en_ Jan pieter moens sone Coerscepenen in westcappelen en_ dit orkonden zij . Dit was ghedaen Jnt iaer ons he_en M˚ . + ccc˚ . + neghe_ ende tneghentich vpten zesse en_ twintichsten dach in Junio