Corpus Van Reenen-Mulder (CRM14): Oorkonde I564r38801

Wy pauwels Oelaerds sone jan piet_ tsmets sone jacop hughen sone jan louwereys sone en_ piet_ louwereys sone Coerscepenen in Cru_menhoke maken cont ende kenlijc dat vor ons Cam Alize pauwels docht_ ende ghichtede in rechten Eyghendome hughen juustaes sone Een half ghemet lands en_ neghen ende twintich roeden lichtelijc min of meer ligghende in pappenda_me prochye bi_nen desen vieren ghem_ken hughe vors_ an die oestzide ende an die westzide pauwels pauwels sone an die suutside ende willem gheerts sone an die noortside En_ alise vorsc_ ghelouet hughen vors_ dit vorn_ lant te waerne tote allen rechten en_ recht warent daer of te wesene Vort zo verliet haer alize vors_ dat hughe vorsc_ haer wel betaelt heuet beede den eersten pe_ninc ende den laesten van desen vors_ lande jn kennessen der waerheyden So hebben wy scepenen vorsc_ desen brief bezeghelt met onssen zeghelen Dit was ghedaen jnt iaer ons he_en M CCC achte en_ tachtich vp Sente matheus auont ewangelis?