Corpus Van Reenen-Mulder (CRM14): Oorkonde I564r39301

Wi Jan pieter smeets sone Do_maes Jans sone Clays hughen sone Jan willems sone ende pieter louwers sone coerscepenen in Cro_menhoec Maken kond ende kenlic allen luden dat voer ons quam Oelaerd willems sone en_ Pauwels pauwels sone van cro_menhoec ende ghichteden in rechten eeghe_dome jacop loureys sone een ghemet lands lichtelic min of meer lighe_de int hogheland binne_ desen vieren ghemarken jan wille_s sone an die oestside Die papelike prouende van cro_menhoec an die zuutside die proest van zoete_dike an die westside ende kalün hughen dochter an die noortside dat jacop vors_ ghecocht heeft jeghens Oelaerd en_ pauwels vorn_ Vord ghelouen Oelaerd en_ Pauwels vorscr_ ghezamender hand onghesceeden en_ een vor al jacop loureys sone vorscr_ dit vors_ land te warene tote alle_ rechten ende recht warent daer of te wesene Voord verlyen si hem Oelaerd ende Pauwels vorscr_ dat hem jacop vorn_ wel betaelt heeft beede den eerste_ pe_ninc en_ den laetsten van desen vors_ lande Jn kennessen der waerheden so hebben wi Coerscepenen vorn_ desen brief met onsen seghelen beseghelt jnt jaer ons he_en M˚ drie + hond_t drie en_ Tneghe_tich vp den dortichste_ dach in Maerte