Corpus Van Reenen-Mulder (CRM14): Oorkonde I565r32102

Wj burghermeisters . Scepenen Ende ghemeene Raet der Port van Myddelburgh Maken kont ende kenlijc Allen den ghenen die desen brief zien jof horen lesen . Dat Pieter pieter willen zoens zone onse portre Ende Adelise zijn wijf quamen vor ons ende wederriepen beedeghader die ghifte van haerlieder Capelrie die si ghesettet hadden na haerre beeder dood vp die abdesse van onser vrouwen Camere in domburgh Ende vp den ghardiaen van middelb_gh eewelike te gheuene Ende zi pieter Ende adelise vorseit gheuen ende droeghen vp van niewes beedeghader met ghesamender + hant die zelue ghifte van haerre Capelrien na haerre beeder dood . broeder heinen van ser~alardskerke Conuers jn onser vrouwen Cloester tote des Abts behoef van myddelburgh als dat die abt die vorseide Capelrie gheuen zal na pieters ende adelisen dood vorseit Eewelike na alre manieren als zise tevoren ghesettet hadden in der abdessen ende (-) (-) handen vorseit also alst hier ghescreuen staet in desen jeghenwordighen brief daer onse brief dore ghesteken ? Jn orkonden Ende in kennessen van deser dinc hebben wj burghermeist_s . Scepene_ Ende Raet vorseit desen brief (-) Ende bezeghelt met onser ghemeenre port zeghele van myddelburgh vuthanghende . Dit was ghedaen int ? ? ? dusent . drie + hondert . ende een ende twintich des dinxendaghes vor sente maertijns daghe in den w?