Corpus Van Reenen-Mulder (CRM14): Oorkonde I565r33401

Wi Symoen jans zone / van Meyloofs~kerke / Jan tkint / Jan piet_s zone van wester~zubburgh / en_ piet_ piet_s zone zijn broeder / Manne ons lieues h_en tsabts van middelburgh / Maken cont allen luden / dat vor ons qua_ wille jans zone van du_burgh / en_ verliede hem dat hi es tsabts man van middelb_ / van vicht + alf ghemete lants die hi van hem hout in rechten leene / ligghe_de in du_burgh prochie in tween sticke . drie ghemete een verendeel min jn scaecs hofstede / en_ in strien lant zeuen verendeel vor hughen dore van wulpen / en_ van dezen vorseiden leene ghelouede wille vorseit en_ ghelouet den abt vorseit neghentien scellinghe en_ acht penninghe tsiaers zwart_ turnoyse eewelike staende / te gheldene elkes jaers te medewint_e jn orconde dezen brieue bezeghelt met onze_ zeghelen wthanghende dit was ghedaen jnt jaer ons h_en M˚ ccc vier en_ dertich sinte laureyns auende -