Corpus Van Reenen-Mulder (CRM14): Oorkonde I565r33701

Marie pauwels suster / Ende hanne v_ + duruen sone van coudek_cke . Camen vore scepenen jn middelburgh / Ende verlieden hem dies dat zi ontfanghen hebben van den abt van middelb_ viue ende twintich pont suarter turnoyse die roerende zijn van maude jans sone die laghen vp neghen vierendeel ghemeets lands / Vord so v_liet hare marie en_ hanne vornoemt waerd dat zake dat die abt van middelburgh of zijn conuent emmermeer commer of scade hadden van desen viue en_ twintich ponden vorseit dat zi dat domase jacops sone vp sullen rechten ende scadeloes of houden tote des abts behoef van middelburgh ende sijn conuent vornoemt . . Hier ouer waren pieter piet_s sone / piet_ hernouds zone / jan strubbel berwouds sone / En_ hughe piet_s zone / scepenen jn middelburgh ende dit orkonden zj . . dit was ghedaen jnt jaer ons h_en dusent drie + hondert zeuene ende dortich vp sente seruaes dach jn meye : - : - - : -