Corpus Van Reenen-Mulder (CRM14): Oorkonde I565r33801

Allen den ghenen die desen brief zullen zien jof horen lesen Makic kond vranke natereel Rentemeest_ van bewest_scelt jn zeeland . Dat jc tot mijns h_en sg_uen behoef ontfanghen hebbe? van eene Religieusen man haren wout_ abd van onser vrouwen cloist_ jn middelb_ als van zinen verzoeke van alzulken ambochte en_ tienden als hi van minen h_e den Graue sculdich es te houdene . alzo als hier + na ghescreue_ staet . jn den eersten twee hondert ghemete amb_ jn oistcappelen die wille moens sons waren . jt_ aldaer twee + hondert ghemete amb_ die piet_ costins sons waren . jt_ aldaer twee hondert ghemete amb_ die men heet die pekelinc~heuene die kermissen waren . jt_ jn alardskerke tsestichst + alf ghemete en_ vijf roeden amb_ die h_en Marchants waren . jt_ jn s_ beudinskerke neghentien ghemete en_ viue en_ dertich roeden amb_ die wille moens sons waren . jt_ jn der zuuttiende zestien ghemete en_ vijftich roeden amb_ die piet_ jans sons waren van sente jans kerke . jt_ jn der norttiende viue en_ dertich ghemete amb_ die wout_ v_en wiuen sons kinder waren . Dit coemt in So_me van desen ambochte vorscreue_ . tien hondert neghen en_ twintich ghemete en_ neghentich roeden amb_ van elker heuene twintich pont tornoyse te verzoeke dat coemt in So_me hondert twee pont achtien scellinghe en_ achte pe_ninghe tornoyse . jt_ jn oistcappelen derd + alf hondert ghemete amb_ die wille domaes sons waren . jt_ aldaer twee en_ neghentich ghemete amb_ die mijns h_en sg_uen waren . jt_ jn domburch hondert en_ achte ghemete amb_ die mijns h_en sg_uen waren . Dit coemt in So_me van desen drien ambochten vorscreue_ . vier hondert en_ vijftich ghemete amb_ van elker heuene viue en_ twintich pont tornoyse te verzoeke . dat coemt in So_me zesse en_ vijftich pont en_ vijf scellinghe tornoyse . jt_ van eere tiende jn Soetelinkerke die laykins was te verzoeke twintich scellinghe enghels die maken vijf pont zes scellinghe en_ achte penninghe tornoyse . Dit coemt in So_me van den verzoeke van al den ambochte en_ tienden vorscreue_ . hondert vier en_ tsestich pont . tien scellinghe en_ vier penninghe tornoyse den groten ouer zestien penninghe gherekent . die mi die abd voerseyt tot mijns h_en sg_uen behoef vul en_ al betaelt heuet . jn orkonde desen brieue bezeghelt met minen zeghele . Ghegheue_ jn middelb_ des zondaghes na Sente lambrechts dach jnt jaer ons h_en . M˚ . CCC˚ . achte en_ dertich -