Corpus Van Reenen-Mulder (CRM14): Oorkonde I565r34701

Symoen hughe kinds sone van riethem jan boudins sone van zubburgh jan gillis sone van riethem / ende clays pieters sone van meloeskerke manne des abds van onzer vrouwen cloestere in middelb_ kennen dat die abd voerscreuen / gheorloeft heuet / ende zijn consent daer toe ghegheuen dat ian ians sone van westerzubburgh ziere ioncfrouwe paskinen duwarie ghemaket heuet ? alzoe zulke tiende als hi hout in leene van den abd ende den goodshuse voerscreuen / in dezer manieren / wart dat ioncfrouwe paskina ianne verleuede zoud zoe den tiende ghebruken alzoe langhe als zoe leuede / oft die abd zal der ioncfrouwe_ doen betalen wter proestien elkes iaers te midwintere alzoe + langhe als die ioncfrouwe beleeft alzoe vele ghelts als die tiende ward wezen zal in alzoe zulke coepe als die abd zijn wederdeel vercopen zal / ende dat zal staen tote des abds kore ende als ioncfrouwe paskina van liue ter doot comen es vp~dat gheen wittachttich zone van ianne en ?liuet dat niet ghescien en + moete zoe zal die tiende vri comen an den abd ende den cloester voerscreuen / jn kennessen der wareiden zoe hebben wi symoen jan jan / clays / ende ic ian van westerzubburgh / zelue manne voerscreuen dese lettere bezeghelt met onzen zeghele ghedaen in den iare ons he_en / M˚ / CCC˚ / zeuen ende viertich des dordes daghes na sente agnieten dach