Corpus Van Reenen-Mulder (CRM14): Oorkonde I565r34902

Wi willem schengemans sone . willem domaes zone / Ende pieter symoens zone landscepenen jn walchgheren . Maken cont ende kenlic allen luden als dat voer ons quam willem jans stuuers zone / Ende ghichtene in rechten eyghijndome symoene clays heynen sons zone den landmetere tote der capelrien behoef die men v_dient vp sente katelinen outhaer in den cloester van middelburgh . . drie vierendeel ghemeets lands lichtelic min of meer ligghende jn dumburgh ambocht binnen desen vieren ghem_ken willekijn lem lootmans sons zone leghet an die oestzide ende an die nordzide / enen soecwech an die zuudside / En_ griele witte willaerds sons wedewe an die westzide en_ een ghedinghe als hi met scepenen gheachten mach . . En_ willem vors_ gheloeft symoene toter vors_ capelrien behoef dit voernoemde land te waerne tote allen rechte ende recht warent daer of te wesene . . jn orkonden ende in kennessen ter warheiden zo hebben wi willem . willem En_ pieter landscepenen vornoemt desen brief beseghelt met onsen zeghelen . . Dit was ghedaen jnt jaer ons h_en . M˚ . CCC˚ . neghene ende viertich vp den nyewen~auent