Corpus Van Reenen-Mulder (CRM14): Oorkonde I565r34903

Wi willem schengemans sone / willem domaes sone / Ende pieter symoens zone landscepenen jn walchgheren Maken cont ende kenlic allen luden als dat voer ons quam hughe jan ver + sophyin sons zone van dumburgh / ende ghichtede jn rechten eyghijndome symoene clays heynen sons zone den lantmetere tote der capelrien behoef die + men verdient vp sente katelinen outhaer in den cloester van middelb_ twee ghemete lands lichtelic min of meer ligghende jn dumburgh ambocht binnen desen vieren ghemarken . die heligheest van sente aechten leghet an die oestzide / des grauen herewech an die zuudside . Clays die crumme an die westzide ende die wat_ganc an die noordside / + ende een ghedinghe als hi met scepenen gheachten mach . Ende hughe vors_ gheloeft symoene toter vorseider capelrien behoef dit vornoemde land te waerne tote allen rechte ende recht warent daer of te wesene . . jn orkonden ende in kennessen ter warheiden zo hebben wi willem willem / Ende piet_ landscepenen voernoemt desen brief beseghelt met onsen zeghelen . . dit was ghedaen jnt jaer ons h_en . M˚ . CCC˚ . neghene ende viertich vp den nyewen~auent . : -