Corpus Van Reenen-Mulder (CRM14): Oorkonde I565r35001

Wi willem schengemans sone / willem domaes zone / Ende pieter symoens sone / landscepenen jn walchgheren / Maken cont ende kenlic allen luden als dat voer ons quam hughe die portere / Ende ghichtede jn rechten eyghijndome symoene clays heynen sons zone den landmetere Tote der capelrien behoef die men v_dient vp sente kateline_ outhaer in den cloester van Middelburgh . . neghen vierendeel ghemeets lands lichtelic min of meer ligghende jn dumburgh ambocht binnen desen vieren ghem_ken . . des grauen herewech leghet an die oestzide . . hughe vors_ an die zuudside ende an die westzide / Ende hannen die clercc an die noordzide / + ende een ghedinghe als hi met scepenen gheachten mach / Ende hughe vorseit gheloeft symoene toter vorseider capelrien behoef dit voernoemde land te waerne tote allen rechte / ende recht warent daer of te wesene . . Jn orkonden ende in kennessen ter warheiden zo hebben wi willem . willem . Ende pieter landscepenen jn walchg_en vornoemt desen brief beseghelt met onsen zeghelen . . dit was ghedaen jnt jaer ons he_en . M˚ . CCC˚ . neghene ende viertich des donres~daghes na den dortien~dach . : -