Corpus Van Reenen-Mulder (CRM14): Oorkonde I565r36201

Wi jane bi der ghenaden gods abdesse van waterloosw_ue / ende tghemeen _uent aldaer Maken kond en_ kenlic allen luden dat wi gheloeft hebben ende ghelouen . gheeraerde landuoete recht warent te wesene tote allen rechte van eleuen vierendeel ghemeets lands lichtelic min of meer ligghende in die gapinghe binnen desen vieren ghemarken willem aernouds sone leghet an die oestzide / en_ an die noordzide / pieter aernouds sone an die zuudzide / ende een soecwech an die westzide / en_ van vijf vierendeel ghemeets lands lichtelic min of meer ligghende te seyns binnen desen vieren ghemarken . jan sijs sone leghet an die oestzide / en_ an die noordzide / lysbet piet_ backers wedewe an die zuudzide / ende ene soecwech an die westzide / Dat hi gheeraerd vors_ ieghens ons ghecocht heeft / . Vord zo v_lien wi ons jane abdesse / en_ tghemeene _uent vornoemt dat gheeraerd ons wel betaelt heeft beede den eersten penninc ende den acht_sten van desen vornoemden lande / jn kennessen ter warheiden zo hebben wi jane abdesse en_ tghemeene _uent vornoemt desen brief beseghelt met onsen zeghelen . Dit was ghedaen jnt iaer ons h_en . M˚ . ccc˚ . twee ende tsestich des donresdaghes na sente bauen dach -