Corpus Van Reenen-Mulder (CRM14): Oorkonde I580r33701

HEt si cont en_ kenliic allen den ghenen die dese lettren zullen zieen of hore_ lesen Dat jc pieter die sceppere wel bedocht van minen zinnen hebbe ghegheue_ en_ gheuen in pure aelmossen der kerken en_ den hospitale van der byloken een ghemet lants lighende jn die prochye va_ der couderkerken dat es te wetene in den (onleesbaar) boesten hug? heems? van der oestziden inwart en_ hebt der kerken en_ den hospitale voers_ vp~ghedreghen met halme en_ met stro en_ hebbe mi en_ miin oer daer of ontharuet ten eweliken daghen van desen ghemete lants en_ jc pieter voerseid beloue der kerken en_ den hospitale daer vp te houdene en_ te ware_gheerne jeghen elken mensce ouer mi en_ ouer die na mi comen zullen wel en_ sufficientelike En_ hebbe ghebede narestelike goeden waerde_ lieden der laurese prochypape va_ der couderkerken der joesse mine_ zoene jan den busere en_ jacobe gielis zoene dat si hare zeghele hanchen an dese lettren jn kenliicheden en_ in vastheden van wareden Ende om die bede ende om tforsouc va_ pietere voerseid so hebben wi laureis joes jan en_ jacob dese lettre_ ghezeghelt met onsen zeghelen vte~hanchende in orconscepe va_ wareden Dj was ghedaen jnt jaer ons here_ als men screef dusentich drie + hondert en_ zeuen + en + dertich vp halre kinder dach / / /