Corpus Van Reenen-Mulder (CRM14): Oorkonde I581r37001

Wi witte aechte piet_s sone . jacop iacop Ser damaes sons zone . willem piet_s sone . en_ clais willem ruls sone . maken cont ende kenlic allen luden . dat an ons ghebleuen sijn als an keersluden . arfname_ kateline witte_ ruls wijf vppe die een zide ende willem willem ruls sone vppe die ander zide waer vp wi keerslude_ vorseit ons wel beraden en_ besproken hebben en_ onse zegghen tusschen dese vors_ p_tyen gheseit jn manieren als hier na volghet . jn + den ersten es onse zegghen dat die arfname_ vors_ hebben ghebruken en_ besitten zullen in rechten eyghendome . vicht + alf ghemet lands lichtelic min of meer ligghende te sente~marien~kerke . dat ghehaten es maertins~land ende dat hem volghet dat v?er cauele bleuen es . Des zullen dese vors_ arfnamen ontfanghe_ en_ Jn~neme_ van wille_me willem ruls sone zeve_ en_ twintich scellinghen grote . Ende so wie den anderen verbreede in lande . die zal den anderen gheue_ van den ghemete . drie pont grote . Ende dit segghen hebben wi keersluden gheseit vp een pene van dortich pond zwarten . jn orkonden ende in kennissen ter waerheiden so hebben wi witte jacop willem en_ clais keersluden vornoemt desen brief beseghelt mit onsen zeghelen . ghedae_ jnt jaer ons he_en . M˚ . + ccc˚ ende tseuentich des donresdaechs na dortien~dach