Corpus Van Reenen-Mulder (CRM14): Oorkonde I581r37101

Joncfrouwe ma? ians dochter van Popkijnb?g ende kateline ian ians sons weduwe van Popkijnb_g Camen voer scepenen jn middelburgh ende gheloueden beyde~ghadere met ghesamender hant onghesceyden ende een voer al wille_me wout_s sone recht warent te wesene tote allen rechten van twee hondert roeden lands ligghende te bigghenkerke binnen desen vieren ghemarken . olaert baertelmeeus sone leghet an die oestzide tsgrauen here~wech an die zuutside . jan pieter cro_men sone an die westzide . ende eynout domaes sone an die noerdzide . Dat hi willem vornoemt jeghens joncfr_ marrien ende katelinen vorseit ghecocht heeft Vord verlien zi hem joncfrouwe marrie ende kateline vorsc_ dat willem wout_s sone hem wel betaelt heuet beede den ersten penninc ende den lesten van desen vors_ lande . hier ouer waren . willem clais vadden sone . manne vriesen sone willem piet_ piet_s sons zone . Piet_ piet_ hughen sons sone . Pieter ian cogghen sone . gillis baudins sone . wulf_t van + der hoghen . gillis piet_s sone . willem ian Ty_mermans sone . mychiel iacops sone . ende pieter hughen sone . Scepene_ in middelb_g ende dit orkonden zi . Dit was ghedaen int jaer ons h_en M˚ . + CCC˚ . + een ende tseuentich vp sente Symoen en_ juden auent