Corpus Van Reenen-Mulder (CRM14): Oorkonde I581r37701

jan willem betten sons sone prochiaen in zandijc Cam vor scepenen in middelburgh ende ghelouede bartelmeeus willems sone recht warent te wesene tote allen rechte . van drie vierendeel ghemeets lands van + der zuutzide_ jn ligghende in scellacht binnen desen vieren ghemarken + . floreys will_ms sone leghet an die oestzide ende an die zuutside . jan wout_s sone an die westzide ende jan vorn_ leghet an die nordside . dat bartelmeeus vors_ ieghens . janne vorn_ ghecocht heeft . Vort zo verliet hem jan vors_ dat hem bartelmeeus vorn_ wel betaelt heeft beyde den eersten penninc en_ den lesten van desen vorseiden lande hier ou_ waren willem clays vadden sone . manne vriesen zone . baselis will_m blanck_ts sone . piet_ ian cogghen sone . jan m_tijns sone . piet_ piet_ hughen sons sone . jan clays musschets sons sone . Clays b_telmeeus sone . gillis piet_s sone . wolf_t van der hoghe willem ian ty_mermans sone en_ heynr_ crabel scepene_ in middelburgh . d? orkonden zij . Dit was ghedaen jnt jaer ons he_en . M˚ . + CCC˚ . + zeven en_ tseuentich vp den vichtiensten dach in aprel