Corpus Van Reenen-Mulder (CRM14): Oorkonde I581r38201

Clays heynrics sone prochyaen jn westmonst_ Cam vor scepenen jn middelburgh ende ghelouede baertelmeeus willems sone recht warent te wesene toet allen rechten van eenen halfuen ghemete lands . zeuentien roeden min ligghende in brigdamme binnen desen vieren ghem_ken een zoechwech leghet an die oestzide die heleghe gheest van sente piet_s + k_ke an die zuutside die gastluden an die westzide en_ die baghinen an die nortside dat b_telmeeus vors_ jeghens Clayse vors_ ghecocht heeft Vort so verliet hem clays vors_ dat hem b_telmeeus vorn_ wel + betaelt heeft beyde den eersten penninc en_ den lesten van des_ vors_ lande hier ouer waren Clays erenbouds sone Olaerd hughen zone piet_ zoeten mathijs hughe braems zone jan m_tijns sone jan spaen boudijns sone Clays b_telmeeus zone gillis piet_s sone wolf_rd van + der hoghen willem jan tymm_mans sone heynric orabel franke heynrics sone en_ jan van brigdamme scepenen jn middelburgh dit orkonden zij dit was ghedaen jnt jaer ons he_en M˚ CCC˚ twee en_ tachtich up den viertiensten dach jn julio