Corpus Van Reenen-Mulder (CRM14): Oorkonde I581r38301

joncfrouwe hadewijf gheeraerds dochter van borselen Cam voer scepenen in middelburgh ende ghelouede he_e Clays van borselen Ridder tseer aelbrechts sone Recht warent te wesen tot allen rechten van allen den ghoede beyde arue haue ende husinghen Roerende ende onroerende So waer ende dat gheleghen iof ghestaen es binnen den vier hoecken van walch_en iof der buten dat joncfrouwe hadewijf vorseit bestoruen ende verscenen es van gheeraerde van borselen haer vader doot wt~ghesteken een huus staende in die Corte noertstrate met zinen toe~behoerne_ daer pieter hughemans sone nv ter tijt jn woent welc vorscr_ ghoet he_e Clays van borselen vorn_ jeghens joncfrouwe hadewijf vorseit ghecocht heeft Vort verliet haer joncfrouwe hadewijf vorseit dat haer he_e Clays van borselen vorn_ beyde den eersten pen_inch ende den laesten van desen vorscr_ ghoede wel ende wittelike betaeld heeft hier ouer waren jan maertins sone willem ian ty_mermans sone jan van brigda_me ende vranke heynrics sone Scepenen in middelburgh ende dit orkonde_ zi dit was ghedaen jnt jaer ons he_en &mring; ccc˚ drie ende tachtich vp den dertichsten dach in maerte