Corpus Van Reenen-Mulder (CRM14): Oorkonde I581r38601

Jan gheeraerd deckers sone en_ lem lem gheeraerds soens sone prochiane_ in noordmonst_ Came_ voor scepene_ in middelb_ en_ gheloueden beede~gadere ghezamender + hand onghesceeden en_ een vor al bertelmeeus willems sone recht warent te wesene tote allen rechten van een half ghemet lands ligghende in brigda_me binne_ desen vieren ghemarken die proost van + de_ cloestere an die oestside en_ an die noortside jan willems sone an die zuutside en_ bertelmeeus vors_ an die westside Dat bertelmeeus vorn_ ghecocht heuet ieghens jan en_ lem vorscr_ Voord verlyen zi hem jan en_ lem vorscr_ dat hem bertelmeeus vorn_ wel betaeld heuet beede den eersten pe_ninc en_ den laetsten van desen vors_ lande Hier ouer waren h_ hughe bloc rudd_e Alaerd hughen sone Clays ermbouds sone Mathijs hughe braems sone jan maertijns sone Gillis pieters sone willem jan ty_mermans sone Heynric Crabel Vrancke heynrix sone jan van brigda_me en_ jan die scriuere scepenen in middelburgh en_ dit orkonden zi . Dit was ghedaen int iaer ons he_en M˚ CCC˚ sesse en_ tachtich vp sinte pauwels auond