Corpus Van Reenen-Mulder (CRM14): Oorkonde I581r38701

Willem boudins sone prochiaen in brigda_me Cam voor scepen_ in middelburgh en_ ghelouede he_e clayse van borselen rudder recht warent te wesene tot allen rechten van dord + alf ghemete_ lands lichtelic min of meer ligghende in popkijnburgh bin desen vieren ghemarken Die strate leghet an + die oostzide he_e clays vors_ leghet an + die zuudzide an + die westzide En_ an + die noordzide Welc vorscr_ land he_e clays vorn_ ieghe_s willem vors_ ghecocht heeft En_ willem vorn_ verliet hem dies Dat he_e Clays vors_ hem wel + betaelt heeft beyde den eersten pe_ninc en_ den lesten van desen vorscr_ lande hier ouer waren hhughe bloc rudder meest_ jacob meest_ jacobs sone Clays erenbouts sone mathijs hughe braems sone Jan m_tijns sone gillis pieters sone willem jan ty_mermans sone heinric crabel franke heinrix sone jan scriu_e en_ pieter heinrix sone Scepen_ in middelb_rgh en_ Dit orkonden zij Dit was ghedaen int jaer ons he_en M˚ ccc˚ zeue_ en_ tach,tich vp den neghentiensten dach in oeghstmaent