Corpus Van Reenen-Mulder (CRM14): Oorkonde I581r38801

Pauwels mechiels sone prochiaen jn nordmonst_e Cam voor scepenen jn middelburgh en_ ghelouede hughe jwstaes sone Recht warent te wesene tot allen rechten van van Eene_ halue ghemete lands en_ neghen en_ twintich roeden lichtelic min of meer ligghende in poppenda_me prochie binne_ desen vieren ghemerken hughe vors_ leghet an die oestzide pauwels pauwels sone an die zuutzide jwstaes boudins sone an die westzide en_ willem gheeraerds sone an die nordzide . dat hughe vors_ ieghens pauwels vorn_ ghecocht heeft . Vord so verliet hem pauwels vors_ dat hem hughe vorn_ wel + betaelt heeft beyde den eersten pe_ninc en_ den lesten va_ desen vors_ lande Hier ouer waren he_e hughe bloc rudd_e Meest_ jacob meest_ jacobs sone Mathijs hughe braems sone jan m_tins sone Gillis piet_s sone willem jan ty_mermans sone heynric crabel vranke heynrics sone jan va_ brigda_me jan spaen jan scriu_e heynric b_telmeeus sone en_ Piet_ heynrics sone Scepene_ in middelb_gh dit orkonden zij Dit was ghedaen jnt jaer ons he_en . M˚ . + CCC˚ . + achte en_ Tachtich up den dortiensten dach in aprel