Corpus Van Reenen-Mulder (CRM14): Oorkonde I581r38901

Gillis van b_selen beliou van middelb_g Cam vor scepen_ in middelb_g En_ verliede hem rechter deelinghen jeghen h_en clayse van b_selen zinen broeder van alre aruen husinghen en_ hauen die si hebben binden lande van walch_en of daer buten . jn deser manieren dat h_e clays vors_ vrilike bezitten en_ ghebruken zal in rechten eyghendome . Sonder yements wedersegghen alle die arue husinghe en_ haue daer h_e clays vors_ brieue of heeft en_ nv ter tijt bezeten heeft . welke arue husinghe en_ haue gheleghen zijn bin middelb_ in popkinburgh in grijpsk_ke in ts_~alaerdsk__ke en_ in brugda_me En_ daer of verliet hem gillis van b_selen wel en_ wetlike vernoecht en_ voldaen En_ schelt den vorn_ h_en clayse sinen broeder daer of quite hier ouer waren jan maertijns sone willem ian ty_m__mans sone vranke heynrix sone heynr_ crabel en_ ian doemsdach Scepen_ in middelb_ dit orconden si Dit was ghedaen int jaer ons h_en M˚ . + CCC˚ neghene en_ tachtich vp den zesten dach in februario