Corpus Van Reenen-Mulder (CRM14): Oorkonde I581r39201

Joncfrouwe zoete ians wedewe van brigda_me Cam vor scepen_ in middelb_gh en_ verliede haer dies dat zoe quite ghescouden heeft en_ quite schelt he_en clayse van borselen Ridd_e he_e van brigda_me van den vierendeele van eenre moelen van houte en_ van ysere staende in oesthoec ambocht . En_ joncfrouwe zoete vors_ verliet haer dies dat he_e clays vorn_ haer wel betaelt en_ al voldaen heeft beyde de_ eersten pe_ninc en_ den lesten van + de_ vierendeele van deser vorsc_ moelen . hier ou_ waren / Mathijs hug_ brae_s sone Jan m_tins sone / Willem ian ty_mermans sone / heynr_ Scrabel / Vranke heynrix sone Jacop panneman Pauwels piet_ brantins sone / Jan spaen ians sone / Jan die scriu_e / Heynr_ b_telmeeus sone Piet_ heinrix sone Jan do_mesdach ende Heynric valke Scepen_ in middelb_gh en_ dit orkonden zij . Dit was ghedae_ int jaer ons he_en . M˚ . + ccc˚ . + twee en_ tneghentich vpten drie en_ twintichsten dach in Maerte .