Corpus Van Reenen-Mulder (CRM14): Oorkonde I581r39301

Wi piet_ pieters sone mathijs jacops sone piet_ heynrics sone piet_ jan hughe_ soens sone piet_ hughe_ sone willem hughe_ sone en_ boydin jans sone Cor~Scepen_ int ser~alaerts~kerke make_ cont en_ kenlic allen luden dat vor ons scoutate en_ scepene vorn_ quam clays hughe ellics sone en_ heesschede zine aneboerde en_ toghede zijn ghelt daer an alzulke arue als pieter willems sone gheghift en_ die warentscippe of ghedaen heeft janne jan metelincs sone van een half ghemet lants lichtelic min of meer en_ clays vorn_ dede daer toe doen ons scoutate vor ons scepen_ vorn_ drie sondaechse gheboden en_ eene_ dach van rechte daer toe doen legghen daer na binder weke daer wi scepen_ vorn_ vp dien dach van rechte ghewijst hebbe_ clayse vorn_ in den bezitte en_ den eyghendom daer of als ouer zijn rechte aneboerde van alzulcker aruen als pieter willems sone vorn_ . gheghift heeft janne jan metelincs sone vorn_ o_me alzulcke scellinghe en_ pe_ninghe als dese vorseyde arue vercocht en_ ghecocht es het en es dat zake dat yement coemt met oudren brieuen met scoenre betoghe en_ met betren rechte En_ dede clayse vorn_ als van deser vors_ arue_ danne wij scepen_ vorn_ daer of ghewijst hebbe_ Jn ke_nissen der waerheyde_ zo hebbe_ wij scepen_ vorn_ desen brief bezeghelt met onsen zeghele_ dit was ghedaen int jaer ons he_en . M˚ . + CCC˚ . + drie en_ tneghentich vpten neghen ende twintichsten dach van april