Corpus Van Reenen-Mulder (CRM14): Oorkonde I581r39401

Jan die bastaerd h_en vranken sone van b_selen Cam vor scepen_ jn middelburgh Ende ghelouede Onser vrouwen gasthuse jn + der vorseider stede Recht warent te wesene tot allen rechten . van drien ghemeten lands en_ een half vierendeel lichtelic min of meer ligghende jnt s_alaerdsk__ke p_chie met piet_ heynrix sone ghemeene en_ jn deelinghen . Clays dinc leghet an + die oostzide . willem spint an + die zuutzide gheerard pierhaden sone an + die westzide en_ tsgrauen h_ewech leghet an + die noordside . welc vorseide land jan die bast_d ou_ghegheu__ heeft den vorn_ godshuse jn rechten eyghendo_me . vor vierd + alf vierendeel ghemets lands en_ vicht + alfue roede ligghende ant gasthuus in middelb_ en_ an jans husinghen vors_ . En_ jan vorn_ verliet hem dies dat dit vorn_ godshuus hem wel en_ wetteliken voldaen en_ vernoecht heeft van deser vorscreuenre arven hier ouer waren Mathijs hughe braems sone jan martijns sone willem jan ty_mermans sone heynric crabel franke heynrix sone jacop panneman pauwels brantin jan spaen jans sone jan scriu_e heynric b_telmeeus sone piet_ heynrix sone jan doemsdach en_ heynric valke_ Scepen_ jn middelb_ en_ dit orkonden si Dit was ghedaen jnt jaer ons h_en M˚ . + CCC˚ . + viere en_ tneghentich . vp sinte maertijns auont jn + den winter