Corpus Van Reenen-Mulder (CRM14): Oorkonde I581r39902

Jan euerdeys sone prochiaen in bigghenk_ke Cam vor scepen_ in middelburgh en_ ghelouede jan willem wout_s sone recht warent te wesene tot allen rechten van een half ghemet lands en_ zestien roeden lichtelike min of meer ligghende in bigghenkerke prochie bin desen vieren ghemerken gillis brunen sone an die oostzide Tsgrauen h_ewech an die zuudzide pieter piet_s sone an die westzide En_ pieter gheylen sone an die noordzide Dat jan willems sone vors_ ieghens janne vorn_ ghecocht heuet En_ jan Euerdeys sone vors_ verliet hem dies dat jan vorn_ hem wel betaelt heuet beede den eersten penninc en_ den lesten van desen vorscr_ lande . Hier ouer waren heynric crabel vranke heynrix sone pauwels piet_ brantins sone boudin ians sone Piet_ martins sone hyldebrant vaenkin witman clays sone piet_ heynrix sone heynric van abbenbroke Clays ians sone godeuaert van spreewesteyne en_ michiel van nyewerue scepen_ in middelburgh en_ dit orkonden zij . Dit was ghedaen Jnt iaer ons he_en M˚ . + ccc˚ . + neghene en_ tneghentich vpten eersten dach in Maerte .