Corpus Van Reenen-Mulder (CRM14): Oorkonde I581r39903

Piet_ piet_s sone prochiaen in cro_menhoke Cam vor scepen_ in middelb_gh en_ ghelouede willem colins sone recht warent te wesene tote allen rechten van eene_ ghemete lands lichtelic min of meer ligghende in hoogheland + prochie bin dese_ viere_ ghem_ken heinric crabel an + die oestzide hughe boudins sone an + die zuudzide piet_ m_tins sone an + die westzide en_ pauwels piet_s sone an + die nordzide Dat wille_ vorsc_ ieghens piet_e voern_ ghecocht heeft En_ piet_ voers_ verliet he_ dies dat willem voern_ he_ wel betaelt heeft beede den eerste_ pe_ninc en_ den lesten van desen vorsc_ lande hier ouer waren heinric crabel Vranke heinrics sone Pauwels piet_ brantins sone boudin ians sone Piet_ m_tins sone hildebrant vaenkin witman clais sone Piet_ heinrix sone heinric van abbenbroke heinric valke Clais ians sone godeuaert van spreewe_steine en_ michiel van niewerue Scepen_ in middelb_ en_ dit orkonde_ zij . Dit was ghedae_ int jaer ons he_en M˚ . + ccc˚ . + neghene en_ tneghentich vpten twee ende twintichsten dach in maerte