Corpus Van Reenen-Mulder (CRM14): Oorkonde I587r31301

JC . . heynric braem prochipape in Reym_swale machtich miere Redene_ en_ miere vijf zinne_ Make Cont en_ kenlic allen dien ghenen die dezen brief zien zullen of horen lezen . Dat ic neme in mine ziele / en_ seghe in priest_liken / + worden dat die Capelrie die ic ghemaect hebbe / mijn testament mijn onrecht en_ mine scult / dat ic niewer vp and_s ghemaect en hebbe da_ne vppe tgoet dat mi Comen es en_ verstorfuen van mine_ vader en_ van miere moed_ / en_ dat ic ghecocht hebbe o_me mine vrie penneghe . Vort neme ic in mine ziele en_ segghe in priest_liken worden dat ic negheerehande goet en hebbe van stuuezants kind_ / danne tardendeel van den steenhuze / daer ic zelue nu in woene . Ende die twedeel van ere hofstede die leghet an hannijns Cloets hofstede an die Oestzide daer an / daer hi hannijn Cloet zelue nv vp woent . Vort segghic in priest_liken worden dat ic gheerehanden goet ne hebbe / van Weyten hozemonts zone / noch van boudijn ver heylen zoens aerfname_ . da_ne verdierf Willem piet_s zoens WedeWe mijn vrouwe mijn moed_ vp~gaf Symoene beudekijns zone / al + tgoet dat soe hadde binne_ Midd_ te miere behoef en_ te mine_ liue . dat es te verstane van Weyten hozemonts zone / en_ van boudijns aerfname_ vornoemt twelfstedeel van + den steenhuze / daer ic zelue nv in woene / ende die helt datter ydel leghet tusschen steenhuus / en_ der hofsteden an die nortzide daer an / daer ic nv een huus vp hebbe . En_ dit datter nv ydel leghet tusschen steenhuus en_ die hofstede vorseit dat ne gaet niet vorder da_ne steenhuus lanch es Ende ene halfue hofstede / die leghet an die oestzide hannekijns van Rattenburgh / daer hi zelue nv woent . En_ deze halfue hofstede ne gaet niet vorder nort / da_ne heyne willen zoens hofstede nv lanch es / daer hi zelue nv vp woent en_ betymmert heuet . Vort soe heuet weyte hozemonts zone / en_ boudijns aerfname_ vorseit / hare besterf van wille_me piet_s zone mine_ vader Jn + die mure an die nortzide van den steenhuze . En_ dit gheboerde hem met den rechte / en_ bi scepenen va_ Midd_ . Vort neme ic i_ priest_liken / + worde_ dat ic and_s gheen goet en hebbe van piet_kine piet_s zone miere zust_ zone da_ne tsestendeel van + den steenhuze / daer ic zelue nv in woene . en_ tardendeel van + d_ hofsteden an ha_nijn Cloets hofstede / ligghende an die Oestzide dar an / daer stuuezants kind_ veynaet an zijn alsoe alse hier vorscreuen staet . En_ deze hofstede vorseit ne gaet niet vorder nort da_ne hannijn Cloets hofstede en_ heyne_ willen zoens vorseit . En_ die Oestzide van + den pade / ieghens fransoeys ouer die hoert tote den steen~huze / alse varre alsteenhuus gaet nortwaert . En_ die westzide van + den pade die hoert tote diere hofsteden an die westzide daer an / die mijns selues nv es . En_ o_me~dat ic heynric braem prochipape vorseit neme in mine ziele / en_ segghe bi priest_liken worden dat alle dinghen aldus zijn alse hier vorscreue_ staet / soe heb ic dezen brief bezeghelt met mijns selues zeghele / Ende hebbe ghebeden / en_ bidde / Ghesteliken lieden en_ / + Wisen Mine_ h_e dien abt van Midd_ / den Gaerdiaen van + d_ zeluer stede / den p_or van + den augustine_ in Midd_ . den prouisor en_ deken van Walgh_en / dat zi dezen brief bezeghelen . En_ o_me die meerre zekerhede / ende die bede s_ heynric braems vorseit / soe hebben Wi abt / gardiaen / prior / prouisor en_ deken vore_ ghenoemt dezen brief bezeghelt hycghelich met zine_ zeghele vut~hanghende . Dit Was ghedaen int iaer ons heren / als men screef duzent drie hondert + / en_ dartiene / des vriendaghes na dartiendaghe .