Corpus Van Reenen-Mulder (CRM14): Oorkonde I587r33702

Allen den ghenen die dezen brief zullen zien jof horen lesen / Maken wi kond . vranke Natereel Rentem_ van bewestersceld jn zeland . heynr_ paluoet . willem reymars sone . en_ gherolf justaes sone / want ons onse lieue here die graue daer god die ziele of hebben moete ons beuolen heuet met zinen openen brieue te ondervindene en_ te besceydene wie die cost sculdich es te gheldene die ghedaen es jn die dijckaetse tusschen rikendane en_ zandijc amb_ / zo hebben wi daer + o_me gheproeuet en_ tstaen van der dijckatsen ane~ghezien / Ende want onse lieue here die graue die nu es daer + of zinen openen brief ghegheuen heuet . zo wisen wi dien brief vaste en_ ghestade / En_ die van den nyewen~ambochte dien cost te gheldene jn allen manyere_ als die vorseyde brief / + hout jn orkonde dezen brieue bezegheld met onsen zeghelen / Ghegheuen jn middelburgh des woensdaghes na sente margrieten dach / jnt jaer ons h_en . M˚ . + CCC˚ . + zeuen en_ dertich - - -