Corpus Van Reenen-Mulder (CRM14): Oorkonde I587r35201

Wi willem scenghemans zone willem piet_ tsmans zone Olyuier moers zone En_ Symon jan lemmaerds zone landscepenen ons lieues he_en tsgrauen van hollant jn walchghere_ Maken cond ende kenlic allen luden dat vor ons quam pauwels alaerds zone Ende verzekerde gheerolf justaes zone van poppendamme tote der kapelryen behoef die he_e doedijn piet_s zone vte nordbeuelant ghemaect heuet jn zinte annen kapellen jn oestdumburgh drie scellinghe groter turn_ tsiaers tote eenen ewelike rente alzulc payment als telken t_mine in burzen valt te gheldene den ghenen die nv die nv die kapelrie heuet of die + ze hier na hebben zal elcs jaers te vastenauende vord verliede hem pauwels vors_ . waer dat zake dat hi dit ghelt niet en gaue elcs jaers toten vors_ daghe dat gheerolf vors_ of die ghene die houder es van dezen brieue zijne handen slaen mach zonder yemens wederzegghen an ander + half ghemet lants ligghende jn grijpskerke prochye ende dat bezitten ende ghebruken jn rechten eyghendoeme zonder yemens wederzegghen welc vors_ lant gheleghen es binnen dezen vieren ghemerken gryele heyne hughen zons docht_ leghet an die oestzide . tolf meest_ clays zone an die zuutzide En_ die herewech an die westzide en_ an die nordzide vord verliede hem pauwels vors_ waer dat zake dat hier an yet ghebrake dat hi dat zelue vp~rechten zal zonder eenich weder~zegghen jn kennessen der wareheit so hebben wi lantscepenen vornoomd dezen brief bezeghelt met onzen zeghelen ghedaen jnt jaer ons he_en . M˚ CCC˚ een en_ vichtich des maenda? ? ? ? ?