Corpus Van Reenen-Mulder (CRM14): Oorkonde I587r36301

Wi daniel willems sone Abbe lams sone gillis boudijns sone ende wolfaerd iacops sone van + der hoghe scepenen in middelburgh orkonden ende kennen dat vor ons quam floreys ian kints sone van meloyfskerke ende scaut quite alle dat recht / en_ an~tale die hi hadde of hebben mochte an dat goet dat die Abt / van onser vrouwen cloestere jn middelburgh ghecocht heuet jeghens diederic floreyns sone / welc goet gheleghen es in zuutbeuelant / Jn kennessen deser waerheyden hebben wi daniel . Abbe . gillis ende wolfaert scepenen in middelburgh voerscreuen desen brief bezeghelt met onsen zeghelen vuthanghende Dit was ghedaen jnt jaer ons h_en M ccc˚ drie ende tsestich des woensdaghes na Sente Magrieten dach .