Corpus Van Reenen-Mulder (CRM14): Oorkonde I587r36302

Wi Abbe lams sone bazillis willems sone ende willem ian willems sons sone scepenen in middelburgh orkonden ende kennen dat vor ons quam pieter van + den poele ende verliede hem dies dat hi van alsulke scout als diederic floreyns sone hem sculdich wesen soude jof mochte daer diederic vorseit ende zijn goet mede beslet wesen mach . alsulc goet als die abt van onser vrouwen cloestere in middelburgh ghecocht heuet jeghens diederic vornoemt / quite ende vri laten zal van alle_ lasten nemmermeer daer an te sprekene / jn kennessen deser waerheiden hebben wi abbe bazillis ende willem scepene_ in middelburgh vorscreue_ desen brief bezeghelt met onsen zeghelen vuthanghende dit was ghedaen jnt jaer ons h_en M ccc˚ drie ende tsestich vp zente jacops dach in + die jaermarcht -