Corpus Van Reenen-Mulder (CRM14): Oorkonde I587r36305

Wi gillis willems sone Abbe lams sone ende pauwels domaes sone scepenen jn Middelburgh orkonden ende kennen dat vor ons quamen heer franke heer clays sone van borselen riddere ende heer Jan van stapelen riddere ende scouden quite alle calengieringhe alle recht ende an~tale die zi hadden of hebben mochten tot den eweliken daghen an alzulc goet als die abt van onser vrouwen cloestere jn middelburgh ghecocht heuet jeghens diederic floreyns sone nemmermer an dat vorseyde goet te sprekene jn kennessen deser waerheiden hebben wi gillis . Abbe ende pauwels scepenen in middelburgh vorscreuen desen brief bezeghelt met onsen zeghelen vuthanghende dit was ghedaen jnt jaer ons h_en M ccc˚ drie ende tsestich des sondaghes na sente bertholomeeus dach - - -