Corpus Van Reenen-Mulder (CRM14): Oorkonde I587r36306

Wi pauwels domaes sone pieter cogghe ians sone ende gillis boudijns sone scepenen in Middelburgh orkonden ende kennen dat vor ons quam jan van + den nyenwerue / ende scaut quite alle recht / ende alle an~tale / dat hi hadde of hebben mach an alsulc goet als die abt van onser vrouwen cloest_e in middelburgh jeghens diederic floreyns sone van zuutbeuelant ghecocht heeft nemmermeer tot gheene_ daghen met enighen rechte an dit vors_ goet te sprekene jn kennessen deser waerheden hebben wi pauwels pieter ende gillis scepenen vorscreue_ desen brief bezeghelt met onsen zeghelen vuthanghende dit was ghedaen jnt jaer ons h_en M ccc˚ drie ende tsestich des donresdaghes na Sente bertholomeeus dach .