Corpus Van Reenen-Mulder (CRM14): Oorkonde I587r36307

He_e wouter wolfaerds sone / Quam voer scepene_ jn middelburgh ende ghelouede / Hughen piet_ hughen sons zone Recht warent te wesene tote allen rechten tote der Capelrien behoef die h_e doedin piet_s zone vte nordbeueland ghemaect heuet jn sente Annen capelle in Oestdumburgh van zevene ghemeten lans ende hondert roeden van welken lande gheleghen es . ander + half ghemet twee ende dertich roeden men in bigghenk_ke prochye binne_ desen vieren ghem_ken . Arfnamen piet_e banyaerts ligghen an die oestside / lam wulfaerds sone an die zuudside en_ an die westzide / en_ Coppin ymme sone an die nordside / jtem ander + half ghemet lands zes roeden min ligghende in sente ians kerke p_chye binne_ desen vieren ghemarken . haueloos heinrix sone an die oestzide / lauwer waddins sone an die zuudside / die helighe gheest van sente ians k_ke an die westzide / ende Clays hughen sone an die nordzide / jtem twee ghemete_ lands ligghende in sente marien kerke prochye binnen desen vieren ghem_ken . tsgrauen here~wech leghet an die oestzide / Doedin boudins sone an die zuudzide / ende an die westzide / ende piet_ coppins sone an die nordzide / jtem ander + half ghemet ende achtien roeden moer lands ligghende bewesten waterlooswerue binne_ desen vieren ghemarken . tsgrauen here~wech leghet an die oestzide / willem sierlins sone an die zuudside en_ an die westzide / ende lem waernaerds sone an die nordzide / Ende een ghemet moer lands dortich roeden min ligghende benoerden daer die carpere plach te woenene . binnen desen vieren ghemarken . Der capelrien land van meyloefs~kerke an die oestzide / tsgrauen here~wech an die zuudside / ende die nonnen van waterlooswerue ligghen an die westzide / ende an die nordzide / Hier ouer waren gillis willems sone / woyte piet_s sone / Danyel willems sone / Abbe lams zone / Saelmoen piet_s sone / Pauwels domaes zone / bazelis willem blank_ds sone / Wouter ians sone / Pieter ian cogghen zone / jan maertins sone / willem ians sone / Gillis boudins sone / ende wulf_d iacops sone van der hoghen scepenen jn middelburgh en_ dit orkonden zi . Dit was ghedaen int jaer ons h_en . duzent drie + hondert drie ende tsestich des zaterdaghes na Sente bauen dach