Corpus Van Reenen-Mulder (CRM14): Oorkonde I587r36701

Berwoud ians sone Cam voer scepenen jn middelburgh ende ghelouede gheerarde landvoet recht warent te wesene tote allen rechte van hondert roeden lands ligghende te brigda_me binnen desen vieren ghemarken . jacop iacops zone leghet an die oestzide / heynric heynrix sone an die zuudzide / des tsg_uen herewech an die westzide / en_ jan van brig~-da_me an die noordzide / dat hi gheerard vors_ ieghens berwouwe ghecocht heeft / . Vord zo v_liet hem berwouwoud vors_ dat gheerard hem wel betaelt heeft beede den eersten penninc en_ den achtersten van desen vors_ lande / hier ouer waren woyte piet_s sone / abbe lams sone / pauwels domaes sone / baselis willem blankaerds zone / piet_ hughen sons zone / wouter ians sone / pieter ian cogghen zone / jan m_tins zone / clays baertel~-meeus sone / gillis boudins sone / wolfaerd iacops zone van der hoghe / floreyns domsdach / ende gillis piet_s zone / scepenen jn middelburgh ende dit orkonden zi . Dit was ghedaen jnt iaer ons h_en . M˚ . ccc˚ . zeuene en_ tses~tich vp sente baertelmeeus dach -