Corpus Van Reenen-Mulder (CRM14): Oorkonde I587r36801

heynric heynrix sone van brigda_me Cam voer scepenen jn middelburgh ende ghelouede gheerarde landuoet recht warent te wesene tote allen rechte van eenen ghemete lands ligghende te brigda_me binnen desen vieren ghem_ken . heynric ser wissen broeder leghet an die oestzide / jacop hughe_ sons arfnamen / an die zuudzide / hanne van campen an die westzide / en_ eene zoecwech an die noordzide / dat hi gheerard vors_ ieghens heynrike ghecocht heeft / . vord zo v_liet hem heynric vors_ dat gheerard hem wel betaelt heeft beede den eersten penninc en_ den acht_sten van desen vors_ lande / hier ouer waren / hughe braems sone / Meest_ clays die surgijn / jan piet_s sone wille_ clays vadden sone / wille_ speghel / jan ians sone van popkijnburgh / Manne vriesen zone / wille_ piet_ piet_s sons zone / willem pauwels zone / jan symoens sone / jacop hakedoren willems zone en_ willem ian tymm_mans zone / scepenen jn middelburgh ende dit orkonden zi . Dit was ghedaen jnt iaer ons h_en . M˚ . + CCC˚ . achte en_ tsestich des vridaghes na sente m_tins dach