Corpus Van Reenen-Mulder (CRM14): Oorkonde I587r37101

Pieter van baersdorp . Ridder . Make ic cont allen luden . dat ic beloue in goeder trouwen . altoes en_ in allen tiden pays te houden metten abt van Middelburgh . die nu es of wesen sal . en_ met sinen conuente en_ met sinen boden . in wat stede_ si gheseten siin die nu siin . of namaels comen moghen . en_ hem allen voirscr_ te doene en_ te bewisene . alle die rusten en_ vreden die ic mach . en_ ni_m__meer jeghen hem te steken . Maer altoes met hulpen en_ met rade daer toe sien . sonder arghelist dat si haers goeds dat haren goedshuse toe~behoert . in wat steden dat gheleghen si . vryliken en_ rusteliken . ghebruken en_ bezitten moghen . sonder eenighe antale . of wille te bezitten . of hinder . bestel . of moeynesse te doene . in eenighen tiden van mi of den minen . of van yemen anders daer ict beletten mach . . Ende altoes haer vrienscap ende ruste te beghere_ . te houden en_ voert te zetten . met allen minen vermoghen . sonder eenighe roeringhe of intrecken daer in te brenghen . of te doen brenghen . of te maken . Jn kennessen der goeder trouwen en_ der warheit / hebbe ic piet_ van baersdorp ridder voirs_ desen brief bezeghelt met mine_ zeghele . jnt jaer ons he_en dusent drie + hondert een ende tseuentich . des woensdaghes na sinte pieters en_ pauwels daghe .