Corpus Van Reenen-Mulder (CRM14): Oorkonde I587r39301

W? willem van der does bi + der ghenaden gods abt van Onser vrouwen Cloostere Jn middelburgh Ende Tghemeene _uent van + den ? Cloostere Doen Cond allen luden dat wi vercoft hebben vor ons Ende vor onse nacomelinghen om orbaer ? ? ons ghemeens Cloost_s vorscr_ boudijn van + den vliete achte Ende dortich ghemeten lands lichtelic min of meer ligghende binnen der p_chyen van wissenk_ke in noortbeuel_t in boudijns ambochte vorscr_ Jnt noortambocht Jn alre manieren alst hem bewijst es na onsen boken van welken lande boudijn vorscr_ ons vol en_ al betaelt heeft beede den Eersten pe_ning Ende den lesten Ende hem daer of quite Schelden En_ ghelouen vor ons Ende vor onse nacomelinghen Recht warent te wesene van desen vorseiden lande Jn Orconden desen brieue zo hebben wi willem abt Ende Tghemeene _uent vorscr_ desen brief bezeghelt met Onsen zeghele Vuthanghende Dit was ghedaen Jnt Jaer ons he_en . M˚ . CCC˚ . drie en_ tneghentich up Sinte lucas dach Ewangeliste