Corpus Van Reenen-Mulder (CRM14): Oorkonde I587r39302

Wy willem van + der does bi + der ghenaden gods abt van Onser vrouwen Cloost_e in middelb_ En_ Tghemeene _uent van + den vorseiden Cloost_e Doen Cond allen luden dat wi vercoft hebben om orbaer En_ p_fijt ons ghemeens Cloost_s vorscr_ vor ons En_ vor onse nacomelinghen vorscr_ gillisse Jan paerds sone Tien ghemeten ende vijf Roeden lands ligghende binnen der p_chien van wissenk_ke in noortbeuel_t Jn + der kinderambocht van Aernemuden Jnt zwtambocht Jn alre manieren alst hem bewijst es na onsen boken van welken lande ons gillis vorscr_ vol En_ wal betaelt heeft beede den Eersten pe_ninc Ende den lesten En_ hem daer of quite schelden En_ ghelouen vor ons Ende vor onse nacomelinghen gillisse vorn_ Recht warent te wesene van desen vorseiden lande Jn orconde desen brieue zo hebben wi willem abt En_ tghemeene _uent vorscr_ desen brief bezeghelt met Onsen zeghele vuthanghende ? ? ghedaen int jaer ons he_en M˚ . CCC˚ . drie en_ Tneghentich vp Sinte lucas dach Ewangeliste